O romi’ad no kalokitakit sowal no ina
O romi’ad no kalokitakit sowal no ina 國際母語日
To mihecahecaan saka 2 folad 21 romi’ad niketonan o romi’ad no kalokitakit sowal no ina, o Linhoko kiwiko, kakak ato punka a lekatep i 1999 miheca mapasadak maketong, nai 2000 miheca, mihecahecaan saka 2 folad 21 romi’ad niketonan o romi’ad no kalokitakit sowal no ina. Patosokan sakiliyok no hekal misinting midama to katadamaan no sowal, micekeroh palosiyang to sowal no ina a onto, saka ecaaw kalasawad ko sowal i hekal.
Likisi 歷史
[mikawit | o yin-se-ma no pisinanot]Calay: Pangkalatis sowal a onto 主條目：孟加拉語言運動
[mikawit | o yin-se-ma no pisinanot]1948 miheca, o Pakistan a sifo pala no kitakit a sowal ko Orto a sowal, sakapico’a’ang no sakawali a Pakistan a finawlan. I Pangkalatis sowal a onto i, ira ko 5 tamdaw i 1952 miheca 2 falad 21 romi’ad makowangay mapatay no sofitay[1]. 1956 miheca, no Pangkalatis a kinpo matelek o Pangkalatis sowal ato Orto sowal malosowal no kitakit.
1971 miheca, Pangkalatis kitakit micidek to Pakistan a misiked, i Taka misafa’eloh patireng to “Pa’ading to sowal no ina a pihiratengan ’otoc” [2].
1999 miheca 11 folad, Linhoko kiwiko, kakak, punka a lekatep saka 30 lekad a kalomaoc miketon kai mihecahecaan saka 2 folad 21 romi’adan o “o romi’ad no kalokitakit sowal no ina” [3]. O romi’ad no kalokitakit sowal no ina nai 2000 mihecaan kalomihecaan mitiway, o sapicekeroh to sakalacecay rihaday hekal ato kasahirahira no sowal, a mapadama ko polong a sowal no ina[4][5].
Kayki no Linhoko i saka 61 lekad i 2007 miheca 5 folad 17 romi’ad mihayda to cecay niketonan, mihapiw 2008 miheca o “Miheca no sowal i kasakitakit”, pahapinang to kasasiromaroma no sowal o picekeroh to kasasiromaroma no punka ato kasaspsap no kasakitakit a tadamaan, onini a niketonan o maro’ay i Kanata Wenkofa a Pangkalatis a tamdaw ci Rafikul Islam ko pasadakay.
I 1998 miheca 1 folad 9 romi’ad patilid to tilid ci Kofi Annanan, milongoc cingraan to pihayda mihapiw to romi’ad no kalokitakit sowal no ina sapipa’orip to sowal no hekal a caay kalasawad. Ci Rafikul paini yana romi’ad kai 2 folad 21 romi’adan, o sapihirateng to nano onto a sowal i Pangkalatis[6].